Árs­reikningur
2015

Afkoma ÁTVR á árinu 2015 var samkvæmt áætlun. Hagnaður ársins nam 1.221 m.kr. Eignir námu 5.943 m.kr., skuldir voru 1.739 m.kr. og eigið fé nam 4.204 m.kr. í árslok 2015. Greiddur var 1.500 m.kr. arður í ríkissjóð.

Áfengi var selt fyrir 24.518 m.kr. með virðisaukaskatti. Sala áfengis í lítrum jókst um 2,01% frá árinu á undan og seldust 19.603 þús. lítrar, þar af var bjórsala 15.280 þús. lítrar.

Sala tóbaks nam 11.817 m.kr. með virðisaukaskatti. ÁTVR innheimtir tóbaksgjald. Gjaldið nam 5.650 m.kr. á árinu 2015 og lækkaði um 68 m.kr. frá árinu 2014. Sala vindlinga í magni dróst saman um 1,86%. Sala vindlinga nam 1.068 þús. kartonum og af vindlum seldust 6.014 þúsund stykki. Selt magn neftóbaks var 36.117 kg.

Á árinu fengu 717 starfsmenn greidd laun hjá ÁTVR. Margir eru í hlutastarfi. Ársverk voru 287 og hefur þeim fjölgað um fimm frá 2014. 

Víða var unnið að endurnýjun og lagfæringum. Þær helstu voru eftirfarandi: Ný Vínbúð var opnuð í Spönginni. Vínbúðirnar á Blönduósi, Neskaupstað, Vestmannaeyjum og Hólmavík voru fluttar í nýtt húsnæði og stækkaðar. Vínbúðin í Borgarnesi var stækkuð og endurnýjuð frá grunni. Ný afgreiðsluborð voru sett upp á Reyðarfirði, Fáskrúðsfirði og Eiðistorgi. Lóðirnar við Vínbúðina á Akureyri og á Stuðlahálsi voru teknar í gegn, lagnir endurnýjaðar, skipt um jarðveg, lýsing endurbætt og malbikað. Á Siglufirði var ný klæðning sett á húsnæði Vínbúðarinnar.

Viðskiptavinir ÁTVR eru ánægðir með þjónustuna en ÁTVR hefur nú í þriðja skipti í röð verið með hæstu einkunn allra fyrirtækja í Íslensku ánægjuvoginni.

Lög um gjald af áfengi og tóbaki voru óbreytt á árinu.

Forstjóri ÁTVR staðfestir ársreikning fyrirtækisins fyrir árið 2015 með undirritun sinni.

Reykjavík, 29. mars 2016

Ívar J. Arndal, forstjóri

Til Áfengis- og tóbaksverslunar ríkisins
Við höfum endurskoðað meðfylgjandi ársreikning Áfengis- og tóbaksverslunar ríkisins fyrir árið 2015. Ársreikningurinn hefur að geyma skýrslu og áritun forstjóra, rekstrarreikning, efnahagsreikning, yfirlit um sjóðstreymi, upplýsingar um mikilvægar reikningsskilaaðferðir og aðrar skýringar.

Ábyrgð forstjóra á ársreikningnum
Forstjóri er ábyrgur fyrir gerð og framsetningu ársreikningsins í samræmi við lög um ársreikninga. Samkvæmt því ber honum að skipuleggja og innleiða og viðhalda innra eftirliti sem varðar gerð og framsetningu ársreiknings þannig að hann sé í meginatriðum án verulegra annmarka. Ábyrgð forstjóra nær einnig til þess að beitt sé viðeigandi reikningsskilaaðferðum og mati miðað við aðstæður.

Ábyrgð endurskoðenda
Ábyrgð okkar felst í því áliti sem við látum í ljós á ársreikningnum á grundvelli endurskoðunarinnar. Endurskoðað var í samræmi við góða endurskoðunarvenju og ákvæði laga um Ríkisendurskoðun. Samkvæmt því ber okkur að fara eftir settum siðareglum og skipuleggja og haga endurskoðuninni þannig að nægjanleg vissa fáist um að ársreikningurinn sé án verulegra annmarka.

Endurskoðunin felur í sér aðgerðir til staðfestingar á fjárhæðum og öðrum upplýsingum í ársreikningnum. Val endurskoðunaraðgerða byggist á faglegu mati endurskoðandans, þar með talið þeirri hættu að verulegir annmarkar séu á ársreikningnum, hvort sem er vegna sviksemi eða mistaka. Við áhættumatið er tekið tillit til þess innra eftirlits sem varðar gerð og glögga framsetningu ársreiknings, til þess að skipuleggja viðeigandi endurskoðunaraðgerðir, en ekki til þess að gefa álit á virkni innra eftirlits fyrirtækisins. Endurskoðunin felur einnig í sér mat á reikningsskilaaðferðum og matsaðferðum sem stjórnendur nota við gerð ársreikningsins, sem og mat á framsetningu hans í heild.

Við teljum að við endurskoðunina hafi verið aflað nægjanlegra og viðeigandi gagna til að byggja álit okkar á.

Álit
Það er álit okkar að ársreikningurinn gefi glögga mynd af afkomu fyrirtækisins á árinu 2015, efnahag þess 31. desember 2015 og breytingu á handbæru fé á árinu 2015, í samræmi við lög um ársreikninga.

Ríkisendurskoðun, 29. mars 2016

Sveinn Arason, ríkisendurskoðandi

Óskar Sverrisson, endurskoðandi

Fjárhæðir eru í þúsundum króna

Fjárhæðir eru í þúsundum króna

Fjárhæðir eru í þúsundum króna

Reikningsskilaaðferðir

Grundvöllur reikningsskila

1. Ársreikningur Áfengis- og tóbaksverslunar ríkisins er gerður í samræmi við lög nr. 3/2006 um ársreikninga og reglugerð nr. 696/1996 um framsetningu og innihald ársreikninga og samstæðureikninga.
   
   Ársreikningurinn byggir á kostnaðarverðsreikningsskilum og er gerður eftir sömu reikningsskilaaðferðum og árið áður. Ársreikningurinn er gerður í íslenskum krónum.
   
   Skattar
2. Ríkisstofnanir og ríkisfyrirtæki greiða almennt ekki tekjuskatta.
   
   Erlendir gjaldmiðlar og innlendar vísitölur
3. Eignir í erlendum gjaldmiðlum eru umreiknaðar í íslenskar krónur á kaupgengi í árslok en skuldir eru umreiknaðar á sölugengi. Viðskipti í erlendum gjaldeyri á árinu eru umreiknuð í íslenskar krónur á viðskiptadegi. Gengismunur sem myndast er færður í rekstrarreikning.
   
   Peningalegar eignir og skuldir sem bundnar eru verðtryggingu eru færðar miðað við vísitölur sem tóku gildi 1. janúar 2016. Breytingar sem myndast eru færðar í rekstrarreikning.
   
   Rekstrarfjármunir
4. Varanlegir rekstrarfjármunir eru færðir til eignar á kostnaðarverði. Frá kostnaðarverði eru dregnar reiknaðar afskriftir.
   
   Kostnaðarverð varanlegra rekstrarfjármuna samanstendur af kaupverði og öllum kostnaði við að koma eignunum á viðeigandi stað og í nothæft ástand.
   
   Afskriftir eru reiknaðar sem fastur árlegur hundraðshluti af kostnaðarverði miðað við áætlaðan endingartíma og eignarhaldstíma.
   
   Eignarhlutar í öðrum félögum
   
5. Eignarhlutar í félögum eru færðir á nafnverði.
   
   Birgðir
6. Birgðir samanstanda af endursöluvörum og rekstrarvörum. Birgðirnar eru metnar á síðasta innkaupsverði að teknu tilliti til gallaðra og úreltra vara.
   
   Viðskiptakröfur
7. Greiðslukortakröfur eru færðar meðal viðskiptakrafna. Viðskiptakröfur eru færðar á kostnaðarverði.
   
   Handbært fé
8. Handbært fé samanstendur af sjóði og bankainnstæðum.
   
   Viðskiptaskuldir
   
9. Viðskiptaskuldir eru færðar á kostnaðarverði.
   
   Vörunotkun
10. Tóbaksgjald er innheimt við sölu tóbaks og er því skilað mánaðarlega til Tollstjóra. Tóbaksgjaldið er skilgreint sem hluti af kostnaðarverði seldra vara í bókhaldi ÁTVR. Alls námu greiðslur tóbaksgjalda 5.650 m.kr. á árinu 2015 en voru 5.719 m.kr. á árinu 2014.

Sundurliðun vörunotkunar

Fjárhæðir eru í þúsundum króna

Starfsmannamál

1. Laun og launatengd gjöld sundurliðast þannig:
   
   

Fjárhæðir eru í þúsundum króna

1. Launagjöld hækka um 8,4% milli ára. Reiknuð ársverk á árinu 2015 voru 287 en ársverk reiknuð með sama hætti árið 2014 voru 282 sem er hækkun um 5 ársverk eða 1,8%.
   
   Laun og launatengd gjöld vegna forstjóra námu 17,8 m.kr. en voru 16,5 m.kr. árið á undan. Á árinu hækkuðu launin afturvirkt til 1. mars 2015 skv. úrskurði Kjararáðs í nóvember 2015.
   
   Áunnið orlof starfsmanna til desemberloka er reiknað og fært í ársreikninginn. Það nam 98,5 m.kr. í árslok 2015 en til samanburðar var það 96,0 m.kr. árið áður.  
   
   
2. Skuldbindingar ÁTVR vegna eftirlauna núverandi og fyrrverandi starfsmanna voru gerðar upp á árinu 1999. Skuldbindingar sem falla til árlega eru gerðar upp við Lífeyrissjóð starfsmanna ríkisins jafnóðum. Samkvæmt uppgjöri LSR námu lífeyrisskuldbindingar í árslok 2015 14,9 m.kr.
   
   Fjármunatekjur og fjármagnsgjöld
3. Sundurliðun fjármunatekna og (fjármagnsgjalda)
   
   

Fjárhæðir eru í þúsundum króna

Rekstrarfjármunir

1. Varanlegir rekstrarfjármunir og afskriftir greinast þannig:

Fjárhæðir eru í þúsundum króna

Gjaldfærð afskrift á rekstrarreikningi nemur 177.536 þús. kr. sem er samtala afskrifta ársins 161.203 þús. kr. og afskrifta vegna niðurlagðra eigna, 16.333 þús. kr.

Fasteignamat og vátryggingamat eigna félagsins í árslok greinist þannig:

Fjárhæðir eru í þúsundum króna

Eignarhlutar í félögum

1. Hlutabréf í Endurvinnslunni hf. eru færð á nafnverði 7.500 þús. kr. Á árinu 2015 greiddi félagið 750 þús. kr. í arð til ÁTVR.
   
   Birgðir
2. Birgðir um áramót skiptast í áfengi, tóbak, umbúðir og rekstrarvörur:

Fjárhæðir eru í þúsundum króna

Viðskiptakröfur

1. Viðskiptakröfur sundurliðast þannig:

Fjárhæðir eru í þúsundum króna

Eigið fé

1. Yfirlit eiginfjárreikninga

Fjárhæðir eru í þúsundum króna

Önnur mál

1. Í tengslum við starfsemi ÁTVR voru 38 húsaleigusamningar í gildi í árslok 2015.
   
   Kennitölur
2. Fimm ára yfirlit í milljónum króna

Fjárhæðir eru í þúsundum króna

Helstu kennitölur um afkomu og fjárhagsstöðu fyrirtækisins á síðustu fimm árum: